Lompat ke konten Lompat ke sidebar Lompat ke footer

Careta Kona

"Careta Kona 

Naleka gi' jaman lamba', alat transportasi ta' kantha sateya, ca' epon gung Imran sambi nyolet roko' kalobut se ebadhi dhari kole'na jagung.
Anas ban Anis ngedhingngagi Gung Imran acareta e naleka sar-asar maba e langgarra. angen ser-kalesserran mapak se'-rese' maloko' amarga gi' buru mare ojan.
Gung Imran nerrossagi caretana hal pakakas otaba alat transportasi jaman lamba' sambi reng-mereng.
Na'-kana' kabbi, apa ba'na tao cem-macemma alat transportasi jaman Kona ? petanyaepon gung Imran, esambit sareng Anas, Oneng Gung....Dokar....ca' na Anas sambi nyonjung .
Iya teppa'... ca'epon Gung Imran. Tape apa ba' na perna nangale ka robana Dokar, Nas ? Gung Imran atanya ka Anas kalaban sem-mesem amarga oneng ja' Anas ta' oneng ka robana Dokar belekka'.
Sambi nyolet kalobuddah, Gung Imran pas adabu,
Anas, Anis,....lamba' gi' jaman sengko' padhana ba'na, katompa'an ta' genna' ban canggih kanta sateya.
Agung mon entara asakola sabban laggu ngamba' dokar epartellon dissa' rowa. lamba' epartellon jarowa ramme kalaban reng-oreng sekapasara. Badha se ajuwal sayuran kanta Tarnya', maronggi, rante,
oto' lanjang, oto' kella, terrong, ban samacemma. Badha kea se ajuwala ajam, embi', etek, ban keban la
enna. Sayuran se ejuwala ka pasar jaroa tamso' golonganna Palawijah, mon ajam, etek, ban laenna jaroa
biasana akompol esettong tempat se padha macemma. misalla ajam kennenganna epaajaman, apolong 
moso kennenganna etek. Mon kennenganna sape ban embi' lakar badha khusus tempaddah se enyamae
pasar sape otaba pasar embi'. Dining pasar sape jarowa ekoca' sar sapeh, mon pasar embi' ekoca' sar embik.
Sar sape ban sar embi' jarea la eberri' bakto bangsebang moso pamarentah. misalla sar sapeh mon are 
kemmis rea e bangkal, mon Ahad e sar lenteng, ban laenna. Maksoddah epencar arena sopaja padha apoter kennenganna reng se ajuwala ban sopaja padha melo rammena pasar.
Anas sareng Anis sengedingagih caretana gung Imran gu'onggu'an amarga lebur acampor heran polana alat transportasi se esebbutagi moso gung Imran satea la rang rang etangale ngalemba' e jalan. 
Bakto ta' egarassa, jam tembok se badha elanggar jarumma sepandha' noddhu' ka bilangan lema', jarum selanjhang nodduagih ka bilangan dubellas. Anis ban Anis pas amit ka gung Imran :
" Gung, kaula palemana gellu gih, lagguna manabi ta' ojan insyaallah kaula acabisa pole"...oca' na Anas ban Anis sambi nyongkem ka agungnga.




















2 komentar untuk "Careta Kona"

Tema atau Template Blogger Terbaik.
Template Blogger Terbaik Rekomendasi